Scheuchzer, Johannes an Bernoulli, Johann I (1708.11.18)
|
|
| Kurzinformationen zum Brief mehr ... | |
|---|---|
| Autor | Scheuchzer, Johannes, 1684-1738 |
| Empfänger | Bernoulli, Johann I, 1667-1748 |
| Ort | Zürich |
| Datum | 1708.11.18 |
| Briefwechsel | Bernoulli, Johann I (1667-1748) |
| Signatur | Basel UB, Handschriften. SIGN: L Ia 668, Nr. 24* |
| Fussnote | |
Vir Celeberrime, Fautor Honoratissime.
Nescio an meae,[1] quas per Scaphusiam[2] ad Te dedi rite ad manus Tuas pervenerint nec ne, in ijs equidem ad Vos eundi desiderij mei quandam mentionem feceram; nunc eandem repeto cantilenam; Rogo itaque Te Virum Optimum, ut proximis mihi notum facias quid singulis septimanis et pro Mensa, et Collegijs solvendum sit, idque sine ambagibus, prout erga Amicum talismodi declarationes fieri solent, ut statim res meas disponere, Tigurumque tandem, sed per breve spatium relinquere valeam, nec mireris Fautor optime factas saepissime cunctationes meas, res mihi domi sunt aliquomodo angustae, juxta quarum tenorem saltare cogor. Tres plus minus Menses mihi sunt, quos studio Algebraico, sed summa cum diligentia impendere possum, nescio an necessarijs jaciendis principijs tam breve tempus sufficiat, nosti Tu meos conatus, meaque studia, quapropter Optimum hac de re judicium ferre poteris, quod ea qua par est observantia a te exposco: His autem Vale et Amare proporro perge Celeberrimi Nominis Tui Cultorem perpetuum Johannem Scheuchzerum D.rem
Tiguri Raptim d. 18. Novemb. 1708.
Fussnoten
- ↑ Johannes Scheuchzer an Johann I Bernoulli von 1708.11.05.
- ↑ Schaffhausen.
Zurück zur gesamten Korrespondenz