Bernoulli, Johann I an Gessner, Johannes (1737.04.02)
[Noch keine Bilder verfügbar]
| Kurzinformationen zum Brief mehr ... | |
|---|---|
| Autor | Bernoulli, Johann I, 1667-1748 |
| Empfänger | Gessner, Johannes, 1709-1790 |
| Ort | Basel |
| Datum | 1737.04.02 |
| Briefwechsel | Bernoulli, Johann I (1667-1748) |
| Signatur | Uppsala, Universitätsbibliothek. SIGN: Waller Ms ch-00035 |
| Fussnote | Am Briefkopf rechts oben Bleistiftvermerk: "Uppsala univ.-bibl. Wallerske autografsaml. Links unten mit Tinte: "Vater" |
Viro Clarissimo atque Doctissimo
Johanni Gesnero
S. P. D.
Johannes Bernoulli
Nolui praeterire hanc occasionem quin ad Te darem hasce litterulas sciscitaturus de valetudine Tua, quam optime se habere spero voveoque, tum ut intelligam quid faciat quidque moliatur Steinerus Vester, Artifex sane ingeniosus et peritus in re Horologiaria: Retulerit ille Tibi haud dubie, quod ex ore meo audivit cum hic esset,[1] percepissetque mentem meam circa perfectionem horologiorum portatilium, qua in re non tantum correctionem ipsi ostendi descriptionis Ritterianei pro adaptando duplici elatere, ubi Ritterus inventum meum non satis bene expresserat,[2] sed alia praeterea ex cogitatis meis Steinero exposui in artis perfectionem praesertim modum applicandi duo filamenta spiralia, alterum alteri inverso situ opponendum, eum in finem ut libramini motus aequabilior concilietur, qui sane non accurate obtinetur unius tantum spiralis applicatione, id quod demonstrare possum ex principiis dynamicis. Intellexit haec probe Artifex vester suoque calculo mihi adstipulatus est; quin et promisit se confecturum tale horologium omnino ad mentem meam elaborandum, idque tunc velle se ad examen mihi transmittere, quod statim ac ejus rei periculum fecero remittam cum judicio meo: Nunc itaque vellem scire, an hactenus aliquid tentaverit et qualem habuerit successum.
Quod superest Vale Vir Clariss. Amice optime et me quod facis amare perge.
Dabam Basileae a. d. 2. April. 1737.
Fussnoten
- ↑ Steiner war offenbar dem Vorschlag Bernoullis in dessen Brief an Gessner von 1736.11.03 gefolgt und nach Basel gekommen, um sich von Johann I Bernoulli hinsichtlich der Konstruktion einer Uhr, die Johann Jakob Ritter sich zuschrieb, genauer unterweisen zu lassen.
- ↑ Ritter, Jacob, Matheseos Cultoris de Corrigendis Horologiis Portatilibus Meditatio, in: Tempe Helvetica, t. I, Tiguri (Zürich) 1737, pp. 343-351.
Zurück zur gesamten Korrespondenz